Это развлечение проводится в январе в день именин Андрея. По желанию его можно использовать как один из вариантов дня рождения.
Да Андрэя на імяніны прыйшлі ўсе яго сябры. Дзень хоць і халодны ўдаўся, але кожны быццам з сонейкам прывітаўся – тварыкі аж ззяюць!
Вядучы – На двары гуляе студзень.
Гаварылі гэтак людзі:
“У студні то снег, то завіруха,
Бо зіма каля вуха.”
Хоць зіма і каля вуха,
Гучыць у зале “Весялуха”.
Гэта дзетачкі ідуць,
Імяніннікаў вядуць.
(Пад музыку ўваходзіць гурт дзяцей, яны суправаджаюць імяніннікаў, садзяць іх на пачэснае месца – на покуць)
“Весялуха”
Вядучы – Сення, дзеткі, у нас
Свята незвычайнае.
Будуць доўга гучаць
Словы віншавальныя.
Свята сення – Андрэй,
Той Андрэй, што ўсіх мудрэй.
Усіх Андрэеў сення
Будзем віншаваць,
Усім Андрэем сення
Шчасцейка жадаць.
Хто Андрэем завецца?
Няхай зараз адзавецца!
(Запрашаюць усіх імяніннікаў ў кола)
Дзеці – Са святам іменін вітаем!
Усяго добрага жадаем.
(Ходзяць па кругу вакол іменіннікаў, пляскаюць у ладкі, па чарзе нясуць хлопчыкам свае падарункі)
1 – Нясем мы вам ласку
У кожнай далоньцы
Разам з праменьчыкам
Зімнягя сонца.
Будзем вас велічаць,
Падарункі дараваць,
А дарункі ў нас такія –
Песні звонкія, удалыя.
Песня
2 — (нясе галінку вярбы)
За вескай ля балоцінкі,
У галлі вярбы старой,
Маленечкія коцікі
Хаваліся зімой.
Вярбу дарую я табе.
Хачу яшчэ сказаць:
Яна – ад матухны-зямлі,
Дзе б’е вадзіца-маці.
Як хочаш мудрым ты расці,
Дык ведаць ты павінен,
Што з галінкаю вярбы
Можна ісці на імяніны.
Вядучы – Твой падарунак – дарагі,
А ў хаце ен – святы:
Спакой і радасць беражэ
І ад суму сцеражэ.
Імяніннікі – Дзякуй!
Дзяўчынкі (па чарзе) —
Ну, а мы прынеслі вам
Паясы, ды з кутасамі.
Кожны пояс мы для вас
Вышывалі самі.
Вядучы – Розных колераў яны,
Як улузе кветкі.
Некалі й мой дзед насіў
Такі пояс, дзеткі.
Дзяўчынка – Паясочак сіні – недзе ад матулі,
А чырвоны, яры – тату да кашулі.
А вось гэты – гожы, доўгі, з кутасамі –
Падпярэзваў святам бабін дзед часамі.
Загудзелі дуды, гуслі заігралі,
Брат скакаў, а з ветрам кутасы ляталі…
А шырокі пояс, зложаны ў дзве сталкі,
Падпярэзавў колісь дзед бабулін толькі.
(хлопчыкі дзякуюць за падарункі)
Дзяўчынка – Хочацца, каб зараз вы
Паясы падперазалі
І хутчэй у пары сталі.
(Хлопчыкі, падперазаўшыся паясамі)
— Музыкі, іграйце,
У цымбалы біце.
Ельскія харашухі,
Гуляці ідзіце.
Танец
Дзеці – А мы вам, Андрэйкі,
Хочам падарыць міскі фарбаваныя,
Прыгожыя, маляваныя.
Мы іх так размалявалі,
Каб ад гора вас аберагалі.
Вось гэтыя васількі –
Каб не пужалі ваўкі,
А вось гэты каласок –
Каб добры быў гаспадарок.
Вядучы – А крыжыкі, а рыскі!
Дальбог, прыгожыя міскі!
Такія міскі – толькі на наш стол. Час ужо нам частавацца. Але свята сення незвычайнае, таму прайсці да стала будзе непроста. Паглядзіте, які корж я спякла, з дзірачкай пасярэдзіне. Гэта – каліта. І свята сеняшняе завуцб яшчэ святам Андрэевай каліты. Зараз прывяжам яе высока.
Да гэтых “варот”, асядлаўшы качаргу, падыходзяць хлопчыкі. Пытаюцца ў прысутных:
— Дазвольце каліту кусаці!
Дзяўчынкі – А мы будзем сажаю пісаці!
— А я ўкушу!
— А я ўпішу!
Вядучы – Калі хлопчык на так званым “кані”, подсочыўшы, укусіў каліту, ен мог спакой на сядаць на месца. Калі ж ен у час гэтых дзеянняў рассмяяўся (а дзяўчынкі спецыяльна смяшылі яго), ці не змог укусіць каліту, яго заражжа вымазвалі сажай. Зараз і мы з вамі пагуляем у гэту вяселую гульню.
Дзеці гуляюць у гульню, потым сядаюць за святочныя сталы, частуюцца.
